Saltar al contenido
ALGO

Fecha: 27 junio, 2018                                     Haz clic aquí para ver la versión en Español

In tokniuan teyin techtenpaleuiaj kin nenkatatsakuiltsnekij


Itech in xiuit 2017 in Altepekaltanauatiloyan (PGR) kipeualtij se tatsintokalis kampa kininteiluiliaj in tokniuan teyin pouij itech in nechikol teyin kitemoua keniuj okachi kuali motayektalis itech in altepet Cuetzalan. In nechikol tiktokaitiaj koyokopa (COTIC) uan itech in nechikol ixpouij ome tokniuan teyin teuantij itech in nechikol Tosepan Titataniske, se tokniuj teuanti itech in nechikol Maseual Siuamej Mosenyolchikauanij, uan okse tokniuj. No ijkon kininteiluiliaj eyi tokniuan teyin teuantij itech in nechikol (MIOCUP).

In tokniuan kininteiluiliaj ika kitsakuilijkej se chiualis teyin mochiuaskia itech in Altepet Cuetzalan, maski in tokniuan amo tej kichiujkej ta neli motalij se kali kampa motajpiaya maj amo mochiua in chiualis teyin amo kemaj motatsintokak ox uel mochiuaskia, uan no ijkon itech in tanauatilmej teyin yetok itech in COTIC moijtoua ika amo uel mochiuas in chiualis.

Timitsyoleuaj Xitachajkuilo maj motsakuili in neteiluililis.

 

Ramón Ernesto Badillo Aguilar

Taixekankej itech in Altepet Puebla

In Altepekaltanauatiloyan PGR

 

Jaime Hernández Martínez

Taixekankej itech nochi

In Ueyi Altepet Mexico in CFE

 

Nechtekipachoua iminnemilis in tokniuan teyin kininpeualtijkej in neteiluililis uan no ijkon amo nikneki maj teisa kininchiuilikaj in tokniuan: Rufina Edith Villa Hernández, Álvaro Aguilar Ayón, Nazario Diego Téllez, Luis Enrique Fernández Lomelín, Leonardo Duran Olguín, Alfredo Guerreo Santos y Francisco Jiménez Pablo.

Yej ika namechchikaukailuiaj maj kuali mouika chiualis teyin namejuan namomako yetok uan maj mouika kemej moixtalia itech in analtanauatilmej uan in tanauatilmej teyin techpaleuiaj itech tomaseualxolalmej. Amo tiknekij maj mochikouika in neteiluililis ika in chiualis teyin kichiuaj in tokniuan teyin nankinteiluiliaj.

No ijkon tiktatautiaj in CFE maj kiixejeko ox neli moneki in neteiluililis ipan in tokniuan uan maj moita ox uel moajchiuas in neteiluililis. No ijkon tikyoleuaj ma kiixejeko okseki talnamikilis kampa uel moixpouas itaixejekolis in tokniuan teyin uelis kininmajpeuas in chiualis uan maj moixuika in tanauatilis kampa moixtalia ika kipia mochiuas se tatsintokalis achtopa ika nemaukayot uan ika nochi talnamikilis teyin monekis.

 

Ika miak mauisyot

 

 

/